ლებარდე

ლებარდე

მდებარეობს, ეგრისის ქედზე, ზღვის დონიდან 1600 მეტრზე. იგი ბალნეო-კლიმატური კურორტია, ზომიერად რბილი ზამთრითა და ზომიერად გრილი ზაფხულით. იანვრის საშუალო ტემპერატურაა -4,1°C, აგვისტოსი კი - 16°C. კურორტის ძირითადი სამკურნალო ფაქტორია საშუალო მთის კლიმატი და ნახშირმჟავა მინერალური წყალი. ლებარდე ულამაზესი ბუნებით გამოირჩევა, მთები, მინდვრები და გასაოცარი ხედები დიდ შთაბეჭდილებას ახდენს მნახველზე. თუკი მთაში, ბუნების სიმშვიდეში დასვენების მოყვარული ხართ, ეს კურორტი ნამდვილად მოგეწონებათ. აქ კეთილმოწყობილი თანამედროვე ინფრასტრუქტურა არ დაგხვდებათ, თუმცა ტყისპირა პატარა კოტეჯები ძალიან მყუდრო გარემოს ქმნის. თუ ხეტიალი გიყვართ აქ ლაშქრობების მოწყობაც შეგიძლიათ, განსაკუთრებული პოპულარობით სარგებლობს ლებარდეს დიდი და პატარა ტბები. ალპური ტბები და უმშვენიერესი პანორამები წარუშლელი შთაბეჭდილებებით აგავსებთ. ველური ბუნება, ზღაპრული ბილიკები, კლდეები და მოლივლივე ტბები ნამდვილად ჯადოსნურია და მრავალ თავგადასავლების მოყვარულს იზიდავს.